O‘zbekiston Respublikasi Vazirlar Mahkamasining 2025-yil 13-sentyabr 578-sonli qaroriga muvofiq, talabalar quyidagi hollarda o‘qishdan chetlashtirilishi mumkin:
-
o‘z xohishiga ko‘ra;
-
o‘qishning boshqa ta’lim tashkilotiga ko‘chirilishi munosabati bilan;
-
ichki tartib-qoidalar hamda odob-axloq qoidalarini buzganligi uchun;
-
bir semestr davomida darslarni uzrli sabablarsiz 74 soatdan ortiq qoldirganda (salomatligi sababli belgilangan shakldagi tibbiy ma’lumotnoma taqdim etilgan holat bundan mustasno);
-
to‘lov o‘z vaqtida amalga oshirilmaganida (to‘lov-kontrakt asosida o‘qiyotgan talabalar uchun);
-
sud tomonidan ozodlikdan mahrum etilganda;
-
kirish imtihonlarida belgilangan tartibni buzganligi sud qarorida aniqlansa (bunday hollarda talaba qayta tiklanmaydi);
-
taqdim etilgan hujjatlar qalbakiligi yoki talablarga javob bermasligi aniqlansa;
-
talaba vafot etganida.
Ma’lumot uchun: Talabaga quyidagi hollarda akademik ta’til berilishi mumkin:
-
harbiy xizmatni o‘tash,
-
salomatligini tiklash,
-
homiladorlik va tug‘ish,
-
bolalarni parvarish qilish,
-
oiladagi betob a’zoni (ota-ona, turmush o‘rtog‘i, farzand) parvarish qilish zarurati bo‘lsa.
