17 noyabr kuni O‘zbekiston Respublikasi prezidenti Shavkat Mirziyoyev yoshlar siyosatiga oid yana bir qarorni imzoladi. Bu haqda O‘zbekiston Yoshlar ittifoqi raisi Qahramon Quronboyev ijtimoiy tarmoqdagi sahifasida ma`lumot beradi.
Yangi imzolangan qarorga ko‘ra, har bir harbiy qismda yoshlar himoyachi — boshlang‘ich tashkilot yetakchisi saylanadi hamda harbiylar tashkilot tavsiyasi bilan uy-joy bilan ta`minlanadi.
Muddatli harbiy xizmatni o‘tayotgan askarlar Ittifoq tavsiyasi bilan oliy ta`lim muassasasiga imtihonsiz, grant asosida o‘qishga kiradi.
Ittifoq tavsiyasi bilan Temurbeklar maktabi bitiruvchilari Qurolli kuchlar tizimidagi oliy ta`lim muassasasiga grant asosida o‘qishga qabul qilinadi.
Eslatib o‘tamiz, bundan avval Yoshlar ittifoqiga faollariga oliy ta`lim muassasalariga imtiyozli ravishda o‘qishga qabul qilinishi haqida xabar berilgandi.
Manba: kun.uz
