Yaxshi o‘qigan, ilmiy va jamoatchilik ishlarida faol bo‘lgan talabalarga OTM rektorlari tomonidan stipendiyaning 50%igacha (200 ming so‘mgacha) miqdorda qo‘shimcha rag‘batlantirish tartibi joriy qilinadi. Bunday qo‘shimcha stipendiyani kimga berishni rektorlar hal qiladi, deya yozmoqda huquqshunos Xushnudbek Xudoyberdiyev.
Davlat grantida o‘qiyotgan talabalar agar semestr yakunida 30%dan ortiq fanlardan 3 baho olsa, kelgusi semestrda stipendiya olish huquqidan mahrum bo‘ladi.
Prezident va nomdor stipendiyalarni olgan talabalar uchun stipendiya miqdori saqlab qolinadi.
