“Mening fikrim" jamoaviy murojaatlar portalida yagona davlat testi haqida petitsiya paydo bo‘ldi.
Bu g‘oyaning vazifasi shundaki, imtihon bir vaqtda bo‘ladi va o‘sha imtihonga kirmoqchi bo‘lgan abituriyentlar bir emas, birdan 3-4 oliy ta`lim muassasalariga hujjat topshirishlari mumkin bo‘ladi. Bu yerda test ballari abituriyent tanlagan qaysi oliy ta`lim muassasasi ballariga tenglashsa, o‘sha ta`lim muassasasiga kiradi. Bu tizim xorijda, ayniqsa, Rossiya Federatsiyasida sinovdan o‘tgan. Yagona davlat testlarining ko‘plab ijobiy tomonlari bor, deyiladi murojaatda.“2019 yildan Yagona davlat testi orqali oliy ta`limga kirish imtihonlarini o‘tkazishni taklif qilamiz", - deb yozadi petitsiya muallifi.
