O‘zbekiston YUNESKOning “Oliy ta’lim sohasida malakalarni tan olish to‘g‘risidagi global konvensiya”ni ratifikatsiya qildi. Bu yangilik O‘zbekiston tarixida ham, talabalar kelajagi uchun ham muhim burilish yaratadi.
Global konvensiya bizga nima beradi?
-
O‘zbekistonda olingan diplomlar endi 38 mamlakatda to‘g‘ridan-to‘g‘ri tan olinadi.
-
Siz o‘qishni davom ettirish yoki ishlash uchun murakkab nostrifikatsiya jarayonlaridan o‘tishingiz shart bo‘lmaydi.
-
Malakangiz xalqaro miqyosda aniq va adolatli baholanadi.
-
Ta’lim tizimlaridagi katta farqlar bo‘lmasa, rad javobi berilmaydi.
Qaysi davlatlar O‘zbekiston diplomini tan oladi?
Yevropa
Buyuk Britaniya, Fransiya, Norvegiya, Shvetsiya, Finlandiya, Estoniya, Vengriya va yana 12 davlat.
Osiyo
Yaponiya, Janubiy Koreya, Mo‘g‘uliston, Yaman, Falastin.
Amerika
Kuba, Nikaragua, Ekvador, Urugvay.
Afrika
JAR, Tunis, Kabo Verde, Kot-d’Ivuar, Senegal, Jibuti, Gvineya.
Avstraliya va Okeaniya
Avstraliya, Yangi Zelandiya.
Qachon kuchga kiradi?
-
Ratifikatsiya hujjati YUNESKOga topshirilganidan 3 oy o‘tib O‘zbekiston to‘laqonli a’zo bo‘ladi.
-
A’zo bo‘lgan davlatlar bir-birining diplomlarini avtomatik ravishda tan olish majburiyatiga ega.
Qaysi davlatlar uchun nostrifikatsiya hali ham talab qilinadi?
Konvensiyaga a’zo bo‘lmagan davlatlar, masalan:
-
Rossiya
-
Tojikiston
-
Qirg‘iziston
bu davlatlar diplomlari avvalgi tartibda — nostrifikatsiya orqali ko‘rib chiqiladi.
Talabalar uchun amaliy imkoniyatlar
-
Magistratura va doktorantura dasturlariga to‘g‘ridan-to‘g‘ri hujjat topshirish.
-
Xalqaro grantlarga va stipendiyalarga ariza berishda diplomingizning tan olinishini tasdiqlash.
-
Chet elda ishlash uchun malaka tasdiqlash jarayonini soddalashtirish.
-
Akademik mobillik dasturlariga kirishda qo‘shimcha sinovlardan ozod bo‘lish.
