Bugun, 27-avgust kollej va texnikumlar uchun yo‘nalish tanlashning oxirgi kuni
Oliy va professional ta’lim muassasalariga kirish test sinovlarida ishtirok etgan abituriyentlar uchun kollej yoki texnikum, kasb va mutaxassislik hamda ta’lim shaklini tanlash muddati 2024-yil 18-avgustdan 27-avgustga qadar, 10 kun davomida my.uzbmb.uz sayti orqali amalga oshiriladi. Bugun, 27-avgust — yo‘nalish tanlashning oxirgi kuni hisoblanadi.
Joriy yilda texnikum yoki kollejlarga alohida ro‘yxatdan o‘tib, imtihon topshirilmaydi. Abituriyentlardan faqatgina yo‘nalish tanlashi talab etiladi. Tanlov muddati yakunlangunga qadar abituriyentlar o‘z tanlovlarini o‘zgartirishlari mumkin.
Abituriyentlarning talabalikka tavsiya etilgan yoki etilmaganligi to‘g‘risidagi yakuniy tanlov natijalari (mandat) tanlov jarayoni to‘liq yakunlangandan so‘ng, bir hafta ichida e’lon qilinadi.
