O‘zbekiston musulmonlari idorasi Ulamolar Kengashi hamda Oliy Hay’atining maxsus qarorlari bilan Oliy va o‘rta maxsus islom bilim yurtlari muallimlari ish haqlari va stipendiyalari 2021 yil 20 sentyabrdan boshlab qariyb ikki barobar oshiriladigan bo‘ldi. Bu haqda O‘zbekiston musulmonlari idorasi matbuot xizmati xabar berdi.
Hay’at, shuningdek pandemiya sharoitida murakkab moliyaviy vaziyatga tushib qolgan masjidlar xodimlariga ham moliyaviy ko‘mak ko‘rsatish to‘g‘risida tegishli qaror chiqardi.
