Prezident farmoni asosida Toshkent davlat yuridik universiteti uchun Yangi Toshkent hududida zamonaviy kampus quriladi. Qurilish loyihasini yakunlash muddati 2028 yil etib belgilangan.
Hujjatda quyidagilar ko‘rsatildi:
-
Yangi Toshkent hududidan universitet kampusi uchun yer maydoni ajratiladi.
-
Yangi kampus o‘quv jarayoni, ilmiy-tadqiqot ishlari va talabalarning kundalik hayoti uchun zamonaviy infratuzilmani o‘z ichiga oladi.
-
Qurilish ishlari 2028 yilda tugallanishi rejalashtirilgan.
Jarayonni amalga oshirish tartibi:
-
Adliya vazirligi buyurtmachi bilan hamkorlikda eng maqbul takliflarni tanlab, kampus qurilishiga mas’ul bo‘ladi.
-
Loyihalash, qurilish va moliyalashtirish jarayoniga:
-
xalqaro moliya institutlari,
-
xalqaro, mintaqaviy va xorijiy banklarning imtiyozli mablag‘lari,
-
xorijiy yirik qurilish kompaniyalari jalb etiladi.
-
Yangi Toshkentda TDYuU kampusining barpo etilishi huquqshunos kadrlar tayyorlash sifati, ilmiy hamkorlik imkoniyatlari va ta’lim muhiti darajasini sezilarli yaxshilashi ta’kidlanmoqda.
