Buyuk Britaniyaning nufuzli Times Higher Education (THE) reyting tashkiloti 2026-yil uchun “World University Rankings 2026 by Subject” natijalarini e’lon qildi. Reyting fanlar kesimida jahon universitetlarini baholaydi va bu yilgi natijalarda O‘zbekistondan 4 ta oliy ta’lim muassasasi TOP segmentlarda qayd etildi.
Manba: https://www.timeshighereducation.com/world-university-rankings/by-subject
TDTU ilk bor fan reytingida
E’tiborga molik jihat shundaki, Islom Karimov nomidagi Toshkent davlat texnika universiteti (TDTU) THE’ning fan reytingida ilk marotaba ro‘yxatdan joy oldi.
Reytingga kirgan OTMlar va natijalar
THE 2026 fan reytingi doirasida O‘zbekistondan quyidagi OTMlar va yo‘nalishlar bo‘yicha natijalar qayd etildi:
-
TIQXMMI Milliy tadqiqot universiteti
-
Tabiiy fanlar, matematika va statistika: 301–400
-
Muhandislik fanlari: 401–500
-
-
O‘zbekiston Milliy universiteti
-
Tabiiy fanlar, matematika va statistika: 801–1000
-
-
Toshkent davlat texnika universiteti (TDTU)
-
Tabiiy fanlar, matematika va statistika: 501–600
-
Muhandislik fanlari: 801–1000
-
-
Toshkent axborot texnologiyalari universiteti (TATU)
-
Ta’lim: 601–800
-
Muhandislik: 801–1000
-
Kompyuter ilmlari va dasturlash: 1001+
-
THE reytingi qanday tuziladi
Ma’lumot uchun, THE fanlar bo‘yicha reytingda universitetlarni 11 ta asosiy yo‘nalish hamda 148 ta fan kesimida baholaydi. Ushbu baholash natijalari oliy ta’lim muassasalarining xalqaro maydondagi ko‘rinishi va raqobatbardoshligini aks ettiruvchi muhim indikatorlardan biri hisoblanadi.
Tizimli e’tibor natijasi
Mutaxassislar bu natijalarni so‘nggi yillarda muhandislik, axborot texnologiyalari, aniq va tabiiy fanlar rivojiga qaratilgan ishlarning amaliy samarasi sifatida baholamoqda. Shuningdek, reytingda ko‘rinish berishi O‘zbekiston oliy ta’limi xalqaro akademik maydonda o‘z o‘rnini mustahkamlab borayotganini ko‘rsatadi.
