Xorijiy va nodavlat oliy ta’lim tashkilotlaridan davlat OTMlariga o‘qishni ko‘chirish bo‘yicha test sinovlarida talabgorlar jami 5 ta fandan 90 ta test topshirig‘ini bajaradi.

Imtihonda to‘plash mumkin bo‘lgan eng yuqori natija — 189 ball. Test savollari barcha talabgorlar uchun majburiy uchta fan hamda tanlangan bakalavriat yo‘nalishiga mos ikkita fandan shakllantiriladi.

Majburiy fanlardan 33 ball beriladi

Barcha test topshiruvchilar quyidagi uchta majburiy fandan savollarga javob beradi:

• ona tili — o‘zbek, rus yoki qoraqalpoq tili;
• matematika;
• O‘zbekiston tarixi.

Har bir fandan 10 tadan, jami 30 ta savol beriladi. Har bir to‘g‘ri javob 1,1 ball bilan baholanadi.

Yo‘nalishga mos fanlardan 156 ball olish mumkin

Talabgor o‘qishini ko‘chirmoqchi bo‘lgan bakalavriat ta’lim yo‘nalishiga mos ikkita fandan jami 60 ta savol beriladi.

Baholash mezoni quyidagicha:

• 1-fan: 30 ta savol × 3,1 ball = 93 ball;
• 2-fan: 30 ta savol × 2,1 ball = 63 ball.

Ikki mutaxassislik fanidan jami 156 ball to‘plash mumkin.

Umumiy natija qanday hisoblanadi?

Demak, umumiy natijaning asosiy qismi — 156 ball tanlangan yo‘nalishga mos ikkita fandan shakllanadi.

Barcha yo‘nalishlar uchun o‘tish bali bir xilmi?

Yo‘q. O‘qishni ko‘chirish bo‘yicha maxsus sinovlarda ta’lim sohalari va ayrim yo‘nalishlar uchun alohida o‘tish ballari belgilanadi.

Shu sababli talabgor faqat maksimal 189 ballga emas, o‘qishini ko‘chirmoqchi bo‘lgan soha uchun tasdiqlangan minimal talabga ham e’tibor berishi kerak. 2026-yilgi o‘tish ballari huquq, sog‘liqni saqlash, siyosatshunoslik va boshqa sohalar kesimida farqlanadi.