2026/2027-o‘quv yili uchun respublikadagi nodavlat oliy ta’lim tashkilotlariga o‘qishni ko‘chirish va qayta tiklash bo‘yicha arizalar qabuli 10-avgustga qadar uzaytirildi.
Yangi muddat quyidagi holatlarga tatbiq etiladi:
- davlat yoki nodavlat OTMdan respublikadagi nodavlat OTMga o‘qishni ko‘chirish;
- bir nodavlat OTM doirasida yo‘nalish yoki ta’lim shaklini o‘zgartirish;
- nodavlat OTMda o‘qishni qayta tiklash;
- xorijiy OTMdan respublikadagi nodavlat oliygohga o‘qishni ko‘chirish.
Arizalar 2026-yil 10-avgust kuni ham qabul qilinadi.
Ariza qaysi platforma orqali topshiriladi?
O‘qishni ko‘chirish turiga qarab arizalar ikki xil elektron platforma orqali yuboriladi:
- respublikadagi davlat yoki nodavlat OTMdan o‘qishni ko‘chirish va qayta tiklash — transfer.edu.uz orqali;
- xorijiy oliy ta’lim tashkilotidan o‘qishni ko‘chirish — my.uzbmb.uz orqali.
Talabgor ariza yuborishdan oldin shaxsiy va akademik ma’lumotlari, transkripti hamda tanlagan ta’lim yo‘nalishini diqqat bilan tekshirishi lozim.
10-avgustdan keyin taqdim etilgan arizalar ko‘rib chiqilmaydi. Shu sababli hujjatlarni oxirgi soatlarga qoldirmasdan topshirish tavsiya etiladi.
