Oliy ta’lim, fan va innovatsiyalar vazirligining ochiq ma’lumotlar platformasida 2024-yil yakunlari bo‘yicha Davlat oliy ta’lim muassasalarining 2025-yil 1-yanvar holatiga daromad va xarajatlari bo‘yicha statistik ma’lumotlar e’lon qilindi.

Tahlillar O‘zbekiston oliy ta’lim muassasalarining moliyaviy holatini, boshqaruv samaradorligini va iqtisodiy barqarorligini ko‘rsatadi.

Eng ko‘p daromad ko‘rgan 5 ta oliy ta’lim muassasasi

Yillik daromad hajmi bo‘yicha yetakchi bo‘lgan OTMlar:

1. Toshkent davlat iqtisodiyot universiteti – 927 mlrd. 472 mln. so‘m

2. Mirzo Ulug‘bek nomidagi O‘zbekiston milliy universiteti – 574 mlrd. 587 mln. so‘m

3. Berdaq nomidagi Qoraqalpoq davlat universiteti – 475 mlrd. 869 mln. so‘m

4. O‘zbekiston davlat jahon tillari universiteti – 473 mlrd. 896 mln. so‘m

5. Jizzax davlat pedagogika universiteti – 423 mlrd. 929 mln. so‘m

Ushbu natijalar OTMlarning o‘quv to‘lovlari, grantlar, ilmiy loyihalar va xizmatlar orqali olgan umumiy tushumlariga asoslanadi.

Eng yuqori sof daromad ko‘rgan 5 ta OTM

Sof daromad – bu daromad va xarajatlar orasidagi ijobiy farq. Quyidagi OTMlar eng yuqori moliyaviy samara ko‘rsatgan:

1. Jizzax davlat pedagogika universiteti – 76 mlrd. 169 mln. so‘m

2. Qarshi muhandislik-iqtisodiyot instituti – 54 mlrd. 256 mln. so‘m

3. Toshkent davlat iqtisodiyot universiteti – 44 mlrd. 794 mln. so‘m

4. Shahrisabz davlat pedagogika instituti – 40 mlrd. 801 mln. so‘m

5. TIQXMMI milliy tadqiqot universiteti – 38 mlrd. 300 mln. so‘m

Bu ko‘rsatkich OTM moliyaviy boshqaruvidagi samaradorlik darajasini aks ettiradi.

Xarajati daromadidan yuqori bo‘lgan 5 ta OTM

Moliyaviy balansda salbiy farq qayd etilgan universitetlar:

1. Samarqand davlat universiteti – 37 mlrd. 988 mln. so‘m zarar

2. Samarqand iqtisodiyot va servis instituti – 37 mlrd. 922 mln. so‘m zarar

3. Berdaq nomidagi Qoraqalpoq davlat universiteti – 36 mlrd. 993 mln. so‘m zarar

4. Navoiy davlat universiteti – 32 mlrd. 902 mln. so‘m zarar

5. Urganch davlat universiteti – 25 mlrd. 582 mln. so‘m zarar

Bu ko‘rsatkichlar moliyaviy rejalashtirishdagi kamchiliklar yoki katta infratuzilmaviy xarajatlar bilan izohlanishi mumkin.

Umumiy ko‘rsatkichlar: 2024-yil yakuni bo‘yicha

• Jami daromad: 11 trln. 953 mlrd. 243 mln. so‘m

• Jami xarajat: 11 trln. 448 mlrd. 986 mln. so‘m

Farq (sof ijobiy balans): 504 mlrd. 257 mln. so‘m

Bu umumiy natijalar davlat oliy ta’lim tizimi barqaror daromad manbalariga ega bo‘layotganini, biroq ayrim muassasalarda xarajatlar nazoratini kuchaytirish zarurligini ko‘rsatmoqda.