O‘zbekistonda yangi institut tashkil etilishi kutilmoqda


Bandlik va mehnat munosabatlari vazirligining Respublika aholi bandligi va mehnatni muhofaza qilish ilmiy markazi Bandlik va mehnatni muhofaza qilish ilmiy-tadqiqot instituti etib qayta tashkil etiladi. Bu borada Vazirlar Mahkamasining tegishli qaror loyihasi muhokamaga qo‘yildi, deb yozmoqda xabar.uz.

Hujjat bilan, Institutning asosiy vazifalari etib quyidagilar belgilanmoqda:

  • mehnat, bandlik va mehnatni muhofaza qilish sohalaridagi qonunchilik hujjatlarini yanada takomillashtirish, hududlarni demografik va iqtisodiy rivojlantirish prognozlarini o‘rganish va shu asosida aholi bandligini ta’minlash yuzasidan ilmiy takliflar ishlab chiqish;
  • yoshlar va band bo‘lmagan aholini ma’qul ko‘rayotgan kasb-hunarlari, mehnat sohasidagi qiziqishlarini aniqlash maqsadida ijtimoiy tadqiqotlar olib borish;
  • mehnatni muhofaza qilish sohasida xodimlarni qayta tayyorlash va ularning malakasini oshirish;
  • yuqori malakali ilmiy xodimlar, shu jumladan, iqtisodiyot, texnika tibbiyot sohalari bo‘ yicha falsafa (PhD) va fan doktorlari (DSc) ilmiy darajasiga ega bo‘lgan yosh xodimlarni ishga jalb qilish.

Qayd etilishicha institutning daromadlari soliqqa tortish ob’yekti hisoblanmaydi.

Shuningdek, institut direktori maqomi va mehnatga haq to‘lash shartlari, tibbiy va transport ta’minoti shartlari bo‘yicha vazir o‘rinbosariga tenglashtirilmoqda.