Ikki institutga yangi rahbarlar tayinlandi


Hukumatning tegishli qarori (82-son, 19.02.2021y) bilan ikki institutga rahbarlar tayinlandi.

Jumladan:

1. O‘zbekiston Respublikasi Vazirlar Mahkamasining 2021 yil 19 fevraldagi qarori bilan Komiljon Sobirovich Komilov Andijon qishloq xo‘jaligi va agrotexnologiyalar institutining rektori lavozimiga tayinlandi.



Komiljon Sobirovich 1980 yil Andijon viloyatida tug‘ilgan. 2002 yilda Toshkent davlat agrar universitetini paxtachilik mutaxassisligi bo‘yicha tamomlagan.

Shu kunga qadar Toshkent davlat agrar universiteti Andijon filiali direktori lavozimida ishlagan.

2. Toshkent shahridagi Belarus-O‘zbekiston qo‘shma tarmoqlararo amaliy texnik kvalifikatsiyalar institutiga ijrochi direktor tayinlandi

O‘zbekiston Respublikasi Vazirlar Mahkamasining 2021 yil 19 fevraldagi qarori bilan Nasridin Mirzoodilovich Jabborov Toshkent shahridagi Belarus-O‘zbekiston qo‘shma tarmoqlararo amaliy texnik kvalifikatsiyalar institutining ijrochi direktori lavozimiga tayinlandi.

Nasridin Jabborov 1961 yil Qashqadaryo viloyatida tug‘ilgan. 1985 yilda Toshkent davlat universitetini matematika mutaxassisligi bo‘yicha tamomlagan. Fizika-matematika fanlari doktori, professor.