Hukumat qarori (683-son, 17.08.2019 y.) bilan Qo‘qon universiteti tashkil etildi. Bu haqda adliya vazirligi matbuot xizmati xabar berib o‘tdi.
Universitet nodavlat oliy ta’lim tashkiloti hisoblanib, o‘qitish o‘zbek, rus va ingliz tillarida to‘lov-kontrakt asosida amalga oshiriladi. Bakalavriat va magistraturaga qabul parametrlari, shuningdek, qabul qilish tartibi va qoidalari universitet tomonidan belgilanadi.
Universitetda ta’lim 2019/2020 o‘quv yilidan boshlanadi. Bitiruvchilarga O‘zbekistonda oliy ma’lumot to‘g‘risidagi hujjat sifatida e’tirof etiladigan belgilangan namunadagi diplom beriladi.
Manba: xabar.uz
