O‘zbekiston Respublikasi Prezidentining “Oliy ta’lim tashkilotlariga o‘qishga qabul qilish va davlat buyurtmasini joylashtirish tizimini takomillashtirish to‘g‘risida” 2024-yil 24-maydagi PF-81-son Farmoni hamda “Kambag‘allikdan farovonlik sari” dasturini amalga oshirish bo‘yicha birinchi navbatdagi chora-tadbirlar to‘g‘risida” 2024-yil 23-sentabrdagi PQ-330-son qarori ijrosini ta’minlash, shuningdek, ta’lim grantlarini iqtidorga yo‘naltirish, grant kvotalarining taqsimlanishida raqobat muhitini yaratish va yoshlarni ijtimoiy qo‘llab-quvvatlash maqsadida Vazirlar Mahkamasining “Oliy ta’lim tashkilotlarida talabalarga grantlarni taqdim etish va qayta taqsimlash tartibi to‘g‘risidagi nizomni tasdiqlash haqida”gi qarori qabul qilingan edi.
Shu qarorga asosan moliyaviy mustaqillik berilgan oliy ta’lim tashkilotlari tomonidan ularda bakalavriat ta’lim yo‘nalishlari bo‘yicha tahsil oluvchi belgilangan toifadagi talabalarning ushbu oliy ta’lim tashkilotining budjetdan tashqari mablag‘lari hisobidan qoplanadigan grant miqdori OTMlarning rasmiy veb saytlarida e’lon qilinishi belgilangan edi.
Toshkent davlat iqtisodiyot universitetida O‘zbekiston Respublikasi Vazirlar Mahkamasining “Oliy ta’lim tashkilotlarida talabalarga grantlarni taqdim etish va qayta taqsimlash tartibi to‘g‘risidagi nizomni tasdiqlash haqida” 2025-yil 10-martdagi 149-sonli qarorida belgilangan vazifalar hamda Oliy ta’lim fan va innovatsiyalar vazirligining 2025-yil 25-martdagi 117-sonli buyrug‘ida belgilangan vazifalar ijrosini ta’minlash maqsadida 2024/2025 o‘quv yilida kunduzgi ta’lim shaklida qabul qilingan talabalar uchun 2025/2026 o‘quv yilida qayta taqsimotga koʻra ajratiladigan taʼlim grantlari tasdiqlandi.
Toshkent davlat iqtisodiyot universitetida 2025/2026 oʻquv yili uchun qayta taqsimotga koʻra ajratiladigan taʼlim grantlari soni toʻgʻrisidagi maʼlumot bilan quyidagi jadval orqali tanishishingiz mumkin.