Oliy ta’lim muassasalari va akademik litseylarda yangi o‘quv yili boshlanish sanalari ma’lum qilindi
Oliy ta’lim muassasalarida yangi o‘quv yili 9-sentyabr, dushanba kunidan boshlanadi. Bu haqda Oliy ta’lim, fan va innovatsiyalar vazirining 2024-yil 21-avgustdagi 321-sonli buyrug‘ida belgilandi.
Bundan tashqari, boshqa professional ta’lim muassasalarida darslar quyidagi sanalarda boshlanadi:
- Akademik litseylarda – 4-sentyabr;
- Kasb-hunar maktablarida – 4-sentyabr;
- Kollej va texnikumlarning 2- va undan yuqori kurslari uchun – 4-sentyabr.
Kollej va texnikumlarning 1-kurslari uchun 2024/2025-o‘quv yilining boshlanishi bo‘yicha qo‘shimcha ma’lumot beriladi.
Ushbu sanalar talabalar va o‘quvchilar uchun yangi bilim va imkoniyatlar eshigini ochadi.
