Toshkent davlat agrar universiteti delegatsiyasi Ukraina tabiiy va atrof-muhit fanlari universitetiga tashrif buyurdi. Bu haqda universitet matbuot xizmati xabar berdi.
Tashrif davomida Toshkent davlat agrar universiteti Andijon filiali bilan Ukraina tabiiy va atrof-muhit fanlari universiteti o‘rtasida 2019-yil 4-iyul kuni Kiyev shahrida hamkorlik shartnomasi imzolandi. Tomonlar qoramolchilik, baliqchilik, asalarichilik, o‘simliklar himoyasi, biotexnologiya sohalarida yangi loyihalar boshlash hamda o‘quv-uslubiy va ilmiy tadqiqot yo‘nalishlarida innovatson ishlanmalarni almashish borasida kelishuvga erishdilar.
Ukraina tabiiy va atrof-muhit fanlari universiteti bilan talabalari almashuvi imkoniyati yaratildi.
Manba: xabar.uz