Oliygoh tarixi: Abu Ali ibn Sino nomidagi Buxoro davlat tibbiyot instituti (BDTI) 1990 yil oktyabr oyida tashkil etilgan bo‘lib, 1991 yil mart oyida unga buyuk tabib Abu Ali ibn Sino nomi berilgan.
Taʼlim: Institutda hozirda 8 ta fakultet va 43 ta kafedra faoliyat ko‘rsatmoqda. Bakalavriat bosqichida 8 ta yo‘nalish, magistratura bosqichida 23 ta mutaxassislik, klinik ordinatura bosqichida esa 40 dan ortiq mutaxassisliklar bo‘yicha kadrlar tayyorlanadi. Jami talaba va rezidentlar soni 8500 dan ortiq. Professor-o‘qituvchilar tarkibi 480 nafardan iborat bo‘lib, shulardan 50 nafari fan doktori, 18 nafari professor, 210 nafari fan nomzodi va dotsent, 100 nafari katta o‘qituvchilardir.
Taʼlim jarayonlari o‘zbek, rus, ingliz va turk tillarida olib boriladi. Institutda tibbiyot sohasidagi zamonaviy talablarga mos keluvchi simulyatsiya o‘quv-klinik markazi faoliyat yuritadi.